Škarpelin
Cili život sebe dajen, šteman, glancan, piketajen,
Kamen bili, kamen sivi,
Već su pisci, i prežidenti, oficijali, i manovali,
Mušterije moje bili.
Stare cure, mlade švore, primadone, i šinjore,
Figuraju ka u raju,
Kad jin život uzme miru, a moje ji ruke smiru
U kamenu vično traju.
Eee, lipi moji zna kamen siv
Ja san škarpelin o kad san živ
Meni je kamen i kruv, i križ
Ja san škarpelin - dlito, i friž!
Sve prežence, i bogatune, siromaje, i šporkune,
Sve san ovon rukon klesa
U kamenu sad jin piše - bili, pa ji nima više,
Otišli su na nebesa
Živi kamen, tvrda stina, kruv, pokora o davnina
Moju ruku lipo sluša,
Kad ga špican, oli drican, macolon, i puntarolon
U njemu je moja duša.
Tekst: Robert Šunjić
Izvođač: Tedi Spalato