Sako leto vrah me zame
Kot da mi vritnjak neki da
Ni mi ne moremo bit same
I va nami neki crv kopa

Homo brzo paričat se
Duge gače i kapoti suć
Ako bude mrzlo, zna se
Z boci ćemo mi povuć

Viskovo nan piše na tabele
A va srce je Sveti Matej
Sako leto mi smo maškarani
Hodi z nami, ponemej.

Lepo nan piše na tabele
Da smo z mesta kega saki zna
Mi smo judi ken se niš ne more
Kumpanija s Halubja.

I ki nan ča sada već more
Bedastoća niš ne zna
Ruki, nogi su nan gore
Tako j' vavek kad se maškara

Doma ako muž ostane
Lekariju neka pariča
A mi ćemo hopsat kot lane
I drugo leto ako Bog nan da.
Felix

[1597]