Lišina
Lišina
Život ti je ka lišina,
zalud s viron čekaš asa
jerbo srića, furba lina,
muči, ne da glasa.
Pa bi svima dobra bila
u tom macu nika žunta,
da ne projde igra cila
lišo i bez punta.
Svit se vrti, karta šeta,
zoveš trice, dojdu fanti,
poslin briškule, trešeta,
uvik isti kanti!
Mač se tanji, život biži,
svakom dojde ista mira,
od života sami friži,
samo pasja vira!
Život ti je ka lišina,
dikod udre, dikod striša,
podili svoj dil morbina,
tuće nas i miša.
Letu kupe, letu špade,
pomalo se prazni boca,
motaje se pa se krade,
sve nas vrime štroca.
Život ti je ka lišina,
dojde bašton, ni dinari,
vonja ludost i friškina,
igra se i stari.
Imaš karik, zoveš druga,
u toj igri nima skuže,
boja karta sve pošpuga,
zalud ti akuže.
Oliver Dragojević
Diskusija · Discussion
Be the first to post a comment about this song!
You must be registered and logged in to post.
Linkovi · Links
No links to audio or video files have been created yet for this song.
You must be registered and logged in to post.
[1458]
Printed from CroMusic — vaš hrvatski glazbeni veleportal!
http://www.crolinks.com/cromusic/ — učlanite se danas!