Mogu Van reći iz ovog mista,
Da čovik više ne vridi ništa,
Mogu Van reći iz ovog kraja
Da čovik više ništa ne vaja.
Današnji čovik ne more hodit,
Bolu ga noge stane se potit.
A ja se sićan staroga Tonte,
Piške iz Češke doša je s fronte.
Nosija rusak cilo to vrime,
Pun bakalara i kaštradine.
Ča se to radi, svite moj mili,
Oli smo falši, oli smo gnjili,
Ča se to radi, ča se to zbilo,
Ništa ni više ka ča je bilo.
Mogu Van reći sa ovog škoja,
Da svako čini ča ga je voja,
Svak ništo muti u nikoj brzini,
Klanja se kafi, nafti, benzini.
A didi naši na vesla pošli,
Iz Palagruže veseli došli,
Ko danas more veslima vozit
I ko zna više jidrima plovit.
Današnji čovik ne more vozit,
Bolu ga ruke žuje će dobit.
Ča se to radi svite moj mili,
Oli smo falši, oli smo gnjili,
Ča se to radi, ča se to zbilo,
Ništa ni više ka ča je bilo.
Mlade nan žene ne mogu dojit,
Brez carskog reza ne mogu rodit.
Male jin prsi, mliko in vodno,
A babe su in imale dvodno.
Današnje žene ne mogu dojit,
Brez carskog reza ne mogu rodit.
A ja se sićan matere moje,
Na prsi uvik imala dvoje,
A ove sada čekaju fino
Na čokolino, na medolino.
A baba moja kad bi se digla
Omar bi rekla sve je to lino.
A baba moja ka bi se digla omar
Bi rekla sve je to lino.
Ča se to radi svite moj mili,
Oli smo falši, oli smo gnjili,
Ča se to radi, ča se to zbilo,
Ništa ni više ka ča je bilo.
Ča se to radi, ča se to zbilo,
Ništa ni više ka ča je bilo.
Klapa Kamen